Марий Элыште газ сетьым привизироватлыме паша умбакыже шуйна
Марий Элыште газ сетьым привизироватлыме паша умбакыже шуйна. Марий Элым вуйлатыше Александр Евстифеев республикын кугыжаныш погыжым приватизироватлыме йодыш дене совещанийым эртарен. Поснак газ озанлык объект- влак нерген мутланыме. Кумданрак тидын нерген республикысе кугыжаныш пого министрын сомылжым шуктышо Алексей Плотников каласкален. Тений 183 меҥге кужытыш шуйнышо 200 миллион теҥгеаш 133 газ пучым приватизироватлаш палемдыме. Паша кок йыжыҥ дене шукталтеш. Кызытеш 51 газ пуч гыч шогышо икымше лотым ямдылыме.тудын технический документацийжым ямдылыме, пуч- влакым, оролымо кумдыкыштым кадастр учётыш налме. Кызыт икымше лотын акше рашемдалтеш, вара виш акуционыш лукталтеш. Торгыш апрельын кокымшо пелыштыже лукташ палемдыме. Кокымшо лотшо 160 меҥге кужытан 82 газ пуч гыч шога. Приватизироватлыме паша икымше сентябрь марте ыштен шукталтшаш. Приватизироватлыме деч республикын бюджетышкыже 170 миллион теҥге пурышаш.- каласен Алексей Плотников.
