Кодшо ийын олан бюджетышкыже куд миллирад утла теҥге окса пурен

                      2020-шо ийыште Йошкар-Олан бюджетышкыже куд миллирад утла теҥге окса пурен. Йошкар- Ола администрацийын кугу залыштыже «Йошкар-Ола округын 2020-шо ийлан бюджетшым шуктымо шотышто отчётым пеҥгыдемдыме нерген» депутат- влак погынымашын решенийжын проекше шотышто публичный колыштмаш эртен. Тушто 79 еҥ лийын. Нунын коклаште ола округым вуйлатыше Виктор Кузнецоват пашам ыштен. Тушто палемдыме: пандемийым ончыде, чыла социал кӱлешан роскотым тичмаш шуктымо, пашадарым, коммунал акым шке жапыштыже тӱлымӧ. Йошкар-Олан бюджетышкыже 6 миллиардат 442 миллион теҥге парыш пурен. Нунын кокла гыч налог, сбор да моло тӱлымаш ик миллиардат 759 миллион теҥге лийын. Тыгак рӱдӧ олаште калыкле проект- влакым шуктымым, социал политикым да калыклан полышым пуымо йодышым ончымо.