Телерадиопрограммылаште кӱрылтыш- влак лийыт

                 Тиде кечылаште телерадиопрограммым транслироватлымаште кӱчык жаплан кӱрылтыш- влак лийыт. Республикысе Телерадио передающий рӱдерын уверже почеш, март мучашыште да апрель тӱҥалтышыште тыгай кӱрылтыш- влак лийыт. Молан манаш гын, план почеш радиотелевизионный станцийлаште профилактике паша- влак эртаралтыт. Волжскысо РТС-ыште таче 10 гыч 16 шагат марте ыштыме, Эрла тыгаяк жапыште Звениговышто, икымше апрельыште 11 гыч 17 шагат марте Козьмодемьянскыште профилактике паша шукталтеш. Тиде жапыште икымше да кокымшо мультиплексын программыже да «Россий Радион» программыжым РТС деч 20 меҥге коклаште верланыше илемлаште ончен да колыштын огыт керт. Кӱчык жаплан чарымаш- влак Килемар, Юрино, Шернур, Параньга, Марий Турек, Морко районлаште лийыт.