Самырык куржталше ший медальым сеҥен налын

                     Йошкар-Ола гыч самырык куштылго атлет Андрей Мошкин кросс дене Российын первенствыштыже ший медальым сеҥен налын. Таҥасымаш Кисловодскышто шуматкечын эртен. 18 ияш марте спортсмен- влак коклаште ик меҥгыш куржмаште Олимпий резерв училищыште тренер Константин Лукьянов дене шуаралтше Андрей Мошкин кокымшо лектышым ончыктен. Икымше верыш Оренбург область гыч Максим Шелих, кумшыш Татарстан гыч Адель Гафиатуллин лектыныт. А нылымше верыште Марий Эл гыч Егор Кузнецов лийын. Кумшо верлан ик секундшо гына ситен огыл. Андрей Мошкин тенийсе Россий кӱкшытан таҥасымаште кумшо верым налын ыле. Февраль мучашыште Россий сборныйын самырык- влакын кумдаҥдыме составышкыже пуртымо. Кисловодскышто Лукьяновын группыжо тунемме сборышто икымше май марте лийшаш улеш.
Фото: news.myseldon.com