Марий силикат кермыч заводым пашаш колтымылан 65 ий темын

                   Тиде кечылаште Марий силикат кермыч заводым пашаш колтымылан 65 ий темын. Тыгай заводым ышташ кӱлешлык 1940-ше ийла мучашыште шочын. 1947-ше ийыште республикым вуйлатыше- влак РСФСР-ын Госпланышкыже чоҥаш йодмаш дене лектыныт. 1956-шо ийыште завод уло куатын пашам ышташ тӱҥалын. Талукышто 58 миллион кермычым луктын. Кызыт тудо республикыште чоҥымо материалым лукшо ик эн кугу предприятий. Тудо шке сатужым Марий Эллан гына огыл ситара, Татарстан, Чуваший, Угарман, Киров областьлаш да моло кундемлашкат колта. Тиде дата лӱмеш Марий Эл Кугыжаныш Погын заводын коллектившым республикын 100 ияш лӱмгечыжлан пӧлеклалтше шарнымашан медаль дене палемден, икмыняр пашаеҥ парламентын  тауштымашан серышыжым налын.
Фото:  project221174.tilda.ws