Йошкар-Олаште спорт объектым чоҥаш эше ик ошкылым ыштыме

                   Йошкар-Олаште спорт объектым чоҥаш эше ик ошкылым ыштыме. Йошкар-Ола ола округым вуйлатыше Виктор Кузнецов ГТО нормым сдатлыме оласе площадкым да пляж спорт дене стадионым чоҥымо йодыш дене черетан совещанийым эртарен. Тушто олан мэрже Евгений Маслов, «Марийскгражданпроектын» генеральный директоржо Андрей Григорьев, «Республикысе пляж спорт федерацийым» вуйлатыше Сергей Канашин, Сбербанк пӧлкам виктарышын алмаштышыже Игорь Кудрявцев лийыныт. Вашлиймашыште кутырен келшыме: «Марийскгражданпроект» сер кундемлан келыштарен, комплексный спорт площадкым чоҥаш проектым ямдылаш тӱҥалеш, оксам Сбербанкын Марий Элысе пӧлкаже ойыра.