Республике гыч йотэлыш миен толшо куд тӱжемат 500 еҥ коронавирус инфекцийлан тергымашым эртен

                   Республике гыч йотэлыш миен толшо куд тӱжемат 500 еҥ коронавирус инфекцийлан тергымашым эртен. Роспотребнадзор виктемын ончыктымыж почеш, йот элла дене авикакылым уэш ыштымеке, республикыш куд тӱжемат 837 еҥ пӧртылын. Нунын кокла гыч куд тӱжемат 234 еҥже кугыжаныш полыш порталыште анкетым возен. Пӧртылмӧ деч вара кум кече жапыште Ковидлан ПЦР йӧн дене тергымашым куд тӱжемат 521 еҥ ыштыктен. 50 еҥ анализым сдатлен огыл: 36-шо кугыеҥ, 14-ше йоча- влак. Кум кече деч вара 33 еҥ тергалтын: 28 кугыеҥ да 5 йоча. Кок йоча шотышто уверым чын улмыжо шотышто тергаш правам аралыше органлаш колтымо. Молыжым Роспотребнадзор виктемыш ӱжыктымӧ. Судыш 58 материалым колтымо. Суд пристав- влак 457 тӱжем утла теҥгеаш штрафым 55 еҥлан тӱлыкташ ыштеныт, моло материалже тергымаште улеш. 190 еҥын Ковидлан тергалтме шотышто уверже укелан да лектышыжым кугыжаныш полыш порталыш верандыдымылан кӧра, кушто улмыжым рашемдаш правам аралыше органыш колтымо. Эскерыме жапыште йотэл гыч толшо 18 еҥын коронаврусшым пеҥыдемден ончыктымо: 17 кугыеҥын да ик йочан.