Республикысе корно министерстве могай корнылан мутым куча?

                      Республикысе корно министерстве могай корнылан мутым куча. Министерстве рашемда: республикыште верланыше корно- влак федерал, регионысо да муниципал кӱкшытан корнылан шелалтыт. Марий Элысе транспорт да корно озанлык министерстве регион кӱкшытан корнылан мутым куча. Тудыжо 400 утла уло. Корным олмыкташ планым ыштыме годым, эн кӱлешанжым шотыш налыт. Эн ончыч транспорт шуко коштмо- суткаште тӱжемат пеле кок тӱжем наре машина коштмо корно олмыкталтеш. Тыгайже республикыште 15 уло. Тиде Уржумыш, Йошкар-Олаш пурымо, Чыкма гыч Кугу Сундырьыш, Санчурскыш наҥгайыше, Волжск ден Кӱсола кокласе, Кокшайск гыч Красногорскийын наҥгайыше, Памар ден Кокласола, Звенигово-Шолеҥер-Морко, Звенигово-Памар, Оршанка –Клюкино, Куяр-Солнечный-Роҥго, Руэм-Йошкар-Ола, Корта-Куяр, Йошкар-Ола-Данилово, Пӱкшерме-Краснооктябрьский-Кугу Шап корно- влак.