Ынышт пудырто манын, кӱртньӧ-бетон урным шындылыт

                 Йошкар-Олаште пеҥгыдемдыман да кӱртньӧ бетон урно- влакым вераҥдат. Тиде пашам «Город» МУП-ын пашаеҥже- влак шуктат. Мутлан, эҥер сер мучко 100 наре армироватлыме урным вераҥдыме лиеш. Тидыже калыкын ик эн йӧратыме верыштыже арулыкым эскераш полшышаш. Ик тыгай урнын нелытше 70 наре килограммыш шуэш. Тыгак Ола мучко кок тӱжем наре кӱртньӧ бетон урным шындыме. Нуныжо 130 наре килограмм нелытан улыт. Сандене сайынрак аралалтыт. Нуным телылан огыт кораҥде. Эрыктен лукташ йӧнан лийже манын, кӧргышкыжӧ лӱмын ыштыме калай ведрам шындат але пакетым келыштарат.
Фото: gg12.ru