А. Евстифеев пандемий жапыште полшышо волонтёр да мер пашаеҥ- влакын пашаштым аклен ойлен

                       Александр Евстифеев пандемий жапыште полшышо волонтёр да мер пашаеҥ- влакын пашаштым палемден. Общественник- влакын пашашт нерген Общественный палатын кумдаҥдыме заседанийыштыже ойлымо. Тудын пашаштыже Марий Элым вуйлатыше Александр Евстифееват участвоватлен. Тудо каласен: кажне ийын чолга еҥ- влакым ушен шогышо мер организаций- влак республикым вияҥдыме йодышлашке кумданрак ушнат. Кодшо ий тидым пеҥгыдемден ончыктен. Коронавирусын шарлымыже пеҥгыдылыклан тергымаш лийын. Коммерцийдыме ушем, волонтёр, чолга еҥ- влак социал аралалтдыме еҥ- влаклан полшат, эмым да кочкыш сатум намиен кодат, медицина да социал службылан полышым пуат. Пандемий кызыт лушкаш тӱҥалын, тудын дене кучедалмаште тӱҥжӧ вакцинаций шотлалтеш. Пандемий дене кылдалтше нелылыкым ончыде калыкле проект- влакым шыҥдарымаш ик кечыланат чарнен огыл. Республикым вуйлатыше шуктымо паша- влакым ушештарен, шушаш ийланат кугу планым ямдылыме. Чыла палемдыме пашам жапыштыже да сай качестве дене шуктыман манын палемден.