«ОНФ молодёжкын» командыже Звенигово велысе книгагудо- влаклан кок тӱжем утла книгам поген пуэн

                         «ОНФ молодёжкын» командыже Звенигово велысе книгагудо- влаклан кок тӱжем утла книгам поген пуэн. Тудо ялысе книгагудо- влакын книга фондыштым пойдарыме пашам умбакыже шуя. Руш да йотэл классик сылнымутым, шанче да сымыктыш дене кылдалтше савыктыш- влакым Йошкар-Оласе калыкын полшымыж дене погымо. Тӱҥ шотышто илалше- влак йыҥгыртеныт да шкеат конден коденыт. Нине книга районласе книгагудылаште эше кӱлеш лийын кертыт. Книгам «Ялысе книгагудылан порылык марафон» акций кышкарыште погымо. Тыгай акций- влак кодшо ийын Килемар ден Оршанке районлаште эртеныт. Тений Звенигово книгагудын пашаеҥже- влакат ушненыт. нуно ӱдыр-рвезе шамычлан таум каласеныт. Обработкым ыштыме деч вара книга- влакым чыла 22 книгагудыш шарыме лиеш. Акций кодшо ийын февральыште тӱҥалын. Тыге кодшо ийын «ОНФ-ын молодёжкыжо» элысе 76 кундемыш 57 тӱжем книгам пуэн. Тений тиде паша умбакыже шуйна.