Пожар лӱдыкшӧ деч аралалтме посна режимым увертарыме

                  Республикыштына пожар лӱдыкшӧ деч аралалтме посна режимым увертарыме. Марий Эл правительствын пунчалже дене тудым 31-ше март гыч 20-шо апрель марте пуртымо. Тиде пунчалым шуктымым терген шогаш правительство вуйлатышын алмаштышыже Степан Воронцовлан кӱштымӧ. Тиде жапыште вуйын шогышо ведомство- влаклан пӧртла деке пожар машина пурен кертше манын кудывечылаште лумым эрыктен шогаш, пӧрт коклам, подвалым, пӧрт воктелсе кумдыкым шӱк-куштыра деч эрыктыман, лӱдыкшыдымылык мера дене калыкым палдарен шогыман. 20-шо апрель марте чодыраште, парк кундемлаште, кудывечылаште  шудым, шӱкшакым йӱлалташ, тулотым ылыжташ ок лий.