Курык марий кидмастар- влакын пашаштым ончаш лиеш
Таче калык кидпаша мастарлык тоштерыште Курык марий районлан 100 ий темме лӱмеш Йоласал тӱвыра да ремесло пӧртын мастарже- влакын «Эртыше жапын у шӱлышыжӧ» лӱман ончерышт почылтын. Тиде тӱвыра да кид мастарлык пӧртыштӧ куэмым ыштат, костюмым ургат, воштыр гыч тодыт, шун гыч ненчат. Ончерын негызшылан курык марий- влакын вургемыштым налме. Ончер 12-шо май марте пашам ышта.