Артём Коровин ший медальым сеҥен налын

Артём Коровин ший медальым сеҥен налын
                      Артём Коровин Россий кӱкшытан таҥасымаште ший медальым сеҥен налын. Краснодарыште байдарка да каноэ дене иймаште Россий кӱкшытан таҥасымаште вичшӱдӧ метрыш иймаште кокымшо верыш лектын. Тидын годым тудо мучаш марте манаш лиеш ончылно каен. Лач финиш  ончылно гына тудым Краснодар край гыч Виктор Гавриленко ик секундлан ончылтен. Кумшо верым Моско область гыч Николай Варваровский налын. Артём Коровинын тиде лектышыже тенийсе стартыштыже эн сай лийын. Тиддеч ончыч Артём Марий Эл ден Омск область лӱм дене таҥасышыжла тӱжем метрыш иймаште кудымшо, кок тӱжем метрыш иймаште шымше лийын ыле.

Прошлые выпуски