Йошкар-Олаште корным олмыкташ ешарен 100 миллион теҥгем ойырымо

                Республикылан Йошкар-Олаште корным олмыкташ  ешарен 100 миллион теҥгем ойырымо. Тидын нерген Александр Евстифеев Йошкар-Олаште паша дене коштмыж годым ойлен. Икмыняр кече ончыч Российын чоҥымаш министрже  Ирек Файзуллин толын кайыш. Олаште коштшыжла тудо олан арулыкшым палемдыш да административный полышым пуаш кумылжо лекте. Корным олмыкташ Россий транспорт министерстве деч 100 миллион теҥгем ойыраш йодо, – каласен Александр Евстифеев. Паша дене коштмо кышкарыште Александр Евстифеев шукерте огыл тӱзландарыме объект- влакым ончен савырнен. Тений Йошкар-Олаште куд тӱшка кумдыкым тӱзатыме. Иктыже- Эшкинин уремысе йолгорно. Тудлан 11 миллионат 800 тӱжем теҥгем кучылтмо. Туштак икымше номеран поликлинике верланен.  Йӱрвӱд йогымо канализацийымат ыштыме.
               Александр Евстифеев тыгак рӱдӧ каныме паркын ужашыжым кузе олмыктымымат аклен. Ондак тушто шӱк-куштыра погынен да кушкыл пошен ыле. Кызыт тудо йӧршын вашталтын.
               Республикым  вуйлатыше тыгак Павел Глезденёв лӱмеш у скверыш миен. Тудым республикын 100 ияш лӱмгечыже лӱмеш ыштыме. Республикым вуйлатыше уэмдыме вер- влакым калык куанен вашлиеш. Сандене пашам луштарыман огыл. Калык дене пырля 2022-шо ийлан план- влакым ончен лекман, - манын.