Йошкар-Ола гыч Самарыш турист поезд кая

             Йошкар-Ола гыч Самарыш турист поезд кая. Йошкар-Ола- Самара- Тольятти поезд дене турист маршрутым «Порсын корно» туроператор «Юл кундемыште ойыртемалтше каныш кече» регион- влак кокласе проект почеш ямдыла. Тиде проектыш Йошкар-Ола кодшо ийын ушнен да уна- влакым вашлийын. Тиде гана турым «Жигулевскийын» чыла тӱсшӧ» манын лӱмдымӧ. Состав Йошкар-Ола гыч 30-шо апрельын кая да Самарыш икымше майын миен шуэш. Турист- влак олам ончен савырнат, «Пундашыште» лӱман барыш мият да тӱрлӧ йӱышым тамлен ончат, олам кӱшычын ончымо площадке гыч ончалыт, «Гарибальдин замокшо» турист комплексыш мият, вара автобус дене экскурсийыш каят. Путешествийын акше кугыеҥлан лу тӱжем утла, лу ияш марте йочалан шым тӱжем утла теҥге. Тур нерген 23-27-94 телефон дене пален налаш лиеш.