Хоккей дене Марий Элысе студент- влакын сборныйжо икымше верым сеҥен налын

             Хоккей дене Марий Элысе студент- влакын сборныйжо Ульяновскышто эртыше турнирыште икымше верым сеҥен налын. Тушто хоккей дене студент- влак коклаште Россий кӱкшытан «Студент хоккей лигын первенствыже» таҥасымашын икымше йыжыҥже мучашлалтын. Турнирыште Юл кундем федерал округысо Татарстан, Ульяновск область да Марий Эл гыч ныл студент хоккей команде таҥасен. Турнирын лектышыже почеш Марий Элын командыже икымше верым сеҥен налын, а тидыже турнирын Россий кӱкшытан финалышкыже путёвкым пуэн. Республикын сборныйжым Юлтехын, Марий университетын, бизнес-колледжын. Радиомеханический техникумын, Олимпий резерв училищын, технологий колледжын студентышт гыч чумырымо. Турнирын финалже Угарман олаште апрель кыдалне эрта.
           Фото: МедиаПоток.