Ола погынымашын депуташе- влак черетдыме сессийым эртареныт

            «Йошкар-Ола» ола округын бюджетышкыже депутат- влак вашталтышым пуртеныт. Ола погынымашын депуташе- влак черетдыме сессийым эртареныт. Тудым ола округым вуйлатыше, депутат- влак погынымашым вуйлатышын сомылжым шуктышо Виктор Кузнецов вӱден. Депутат- влак олан тенийсе да план почеш ончыкылык кок ийлан  бюджетышкыже вашталтышым пуртеныт. Тидын годым ола округын администрацийжылан сатум кондаш, пашам ышташ да полышым пуаш муниципал контрактым ыштыме годым авансированийын кугытшым палемдаш йӧным коденыт. Сессийын пашаштыже мэр Евгений Маслов, администрацийын подразделенийлажым вуйлатыше- влак участвоватленыт.
             Фото: Йошкар-Ола депутат- влак погынымашын порталже.