Авиапожарный- влак чодыра тулым йӧрташ тунеммашым эртеныт

              Марий Элысе авиапожарный- влак чодыра тулым йӧрташ тунеммашым эртеныт. Пожарный-десантник- влаклан тренировко Тверь областьыште лийын. Мемнан республике деч посна тушко Архангельск, Карел, Пермь, Киров, Вологда авиалесоохранын утарышыже- влак миеныт. Вертолёт гыч волымо мастарлыкым 100 наре пожарный шуарен. Тений волашлан лӱдыкшыдымӧ у устройствым кучылтыныт. Тудым авиалесоохраныш шындараш тӱналме. Юж тренировко деч ончыч десантник- влак Моско воктелсе Пушкино олаште тунеммашым эртеныт. Тушто нуно чодыра пожарым йӧртымо методикым да неле условийыште илен лекме йӧным шымленыт.
          Фото: Пӱртӱс поянлык министерстве. МариМедиа.