Утларак ямде улмо режимым май мучаш марте шуйымо

            Утларак ямде улмо режимым май мучаш марте шуйымо. Коронавирус чер ваштареш кучедалме шотышто Оперативный штабын заседанийыштыже республикым вуйлатыше Александр Евстифеев утларак ямде улмо режимым шуйымо у жап нерген увертарен. 31-ше май марте республикыште тыгай чарымаш- влак вийыштым арален кодат: калык шуко погыныман тӱшка мероприятий- влакым эртараш чаралтеш. Но тиде чарымаш Кугу Ачамланде сарыште Сеҥымылан 77 ий теммылан пӧлеклалтше Сеҥымаш Парадлан ямдылалтме да тудым эртарен колтымашым ок тӱкӧ. Республикыштына транспортышто, кевытлаште, ужалкалыме рӱдерлаште тыгак маскым чиен коштман. Молан манаш гын, ятыр чарымашым кораҥдыме гынат, вирус эше кундемнам коден каен огыл.
             Фото: Марий Элым вуйлатышын организаций да аналитик виктемже.