Таче Орлов лудмаш эртен

              Таче Чавайн лӱмеш калыкле книгагудышто Орлов лудмаш- Регион- влак кокласе 27-ше шанче-практик конференций  эртен. Мероприятий идалык еда 1996-шо ий годсек книгагудын ончычсо директоржо, йоча писатель, журналист, Марий радион икымше дикторжо, РСФСР тӱвыран сулло пашаеҥже Василий Орлов лӱмеш эртаралтеш. Тений лудмаш Тӱҥ книгагудын 145 ияш лӱмгечыже дене кылдалтын. Тушто историй да краеведений шымлымаш, тудын пӱсын шогымыжо, тӱвырам вияҥдымаште книгагудын рольжо нерген йодыш- влакым каҥашыме. Лудмашке книгагудылан, тоштер ден архивлан специалистышт да вуйлатышышт, шанчыеҥ, преподаватель да студент- влак погыненыт. Тыгак тиде кечын книгагудо пашаште ойыртемалтше- влаклан Василий Орлов лӱмеш премийым кучыктымо.