Сентябрь мучаш марте Йошкар-Олаште 15 баракым рончен кораҥдаш палемдыме
Сентябрь мучаш марте Йошкар-Олаште 15 баракым рончен кораҥдаш палемдыме. «Муниципал заказын дирекцийже» тӧнеж нуным кораҥдашлан 13 миллион утла теҥге оксам палемден. Пашам шукташлан аукционыш ушнаш 8 претендент кумылын ончыктен. Тыге муниципал контрактын акшым ик миллион утла теҥгелан шагалемдыме да 12 миллионат 200 тӱжем теҥге кодын. Кораҥдышаш барак- влак Целинный ден 8-ше март, Земнухов ден Добролюбов, Клара Цеткин ден Йошкар Армий слобода, Ломоносов ден Лунчарский, Рябинин ден Садовый, Соловьёв ден Заводской изурем, Лёня Голиков ден Нолько посёлкышто верланеныт. Контрактыште палемдыме почеш пашам тений 30-шо сентябрь марте шуктышаш улыт. Пӧртым рончымеке, вержым эрыктен тӧремдышаш улыт.