13 ияш рвезе квадроцикл дене кудалыштын

            Советский посёлкышто ийготыш шудымо 13 ияш рвезым кугыжаныш автоинспекцийын пашаеҥышт квадроцикл дене кученыт. Рашемдашлан тудым полиций пӧлкаш кондымо, тушкак ачажымат ӱжыктымӧ. УГИБДД ушештара: тиде квадроцикл корнышто коштдымо транспорт радамыш пура. Тудо тӱшкан пайдаланыме корно дене кошташ келыштаралтын огыл. Адакшым тудым вӱдашлан тракторист-машинистын удостоверенийже кӱлеш. А тудыжым 16 ийым темыммеке гына пуат. Ийготыш шудымо эргыжлан транспортым вӱдаш пуымыжылан ачажлан 30 тӱжем теҥге штрафым тӱлыктен кертыт. Тиддеч посна материалым ийготыш шудымо- влакын пашашт шотышто подразделенийыш колтымо.
            Фото: Марий Элысе МВД УГИБДД. МариМедиа.