Коркатовышто волейболист- влак ӱчашеныт

            Кокласола але Коркатовышто Советский гыч волейболист- влак шӧртньӧ медаль дене палемдалтыныт. Верысе лицейыште физкультурым туныктышо Геннадий Васильевым шарныме лӱмеш волейбол дене район- влак кокласе турнир эртен. Таҥасымашке Кокласола лицейын, Кельмаксола илемын, Советский посёлкын «Звезда». Морко посёлкын «Олимп» тазалыкым пеҥгыдемдыме комплексын сборный командышт ушненыт. Модмашым торжественно почмо годым спортсмен- влакым лицейын директоржо Сергей Михайлов, туныктымо пашан ветеранже Геннадий Арганяков саламленыт. Нуно туныктышышытым порын шарнымылан, спортым йӧратымыштлан тауштен ойленыт. Таҥасымаш чынжымак спорт пайремыш савырнен. Тӱҥ судья, Моркысо спорт рӱдерын тренер-туныктышыжо Валерий Александров тыге каласен: тунемше- влак шарнат гын, туныктышо ила. Таҥасымашын лектышыже почеш сеҥышыш Советский посёлкын командыже лектын.
           Фото: «Единый Российын» сайтше.