«Йошкар-Ола театральный» фестиваль иктешлалтын

                 «Йошкар-Ола театральный» фестивальыште гран-прим «Хрусталь полат» сеҥен налын. Фестиваль 22-шо гыч 27-ше март марте эртен. Тудын Гран-прижым Эрик Сапаев лӱмеш марий кугыжаныш академический опера да балет театрын «Хрусталь полат» балетше сеҥен налын. Сеҥыше- влакым икмыняр номинацийыште палемдыме. «Эн сай режиссура» номинацийыште руш театр гыч Владислав Константинов «Сладострастники» спектакль дене да Шкетан лӱмеш марий драма театр гыч Степан Пектеев «Фолкс» спектакль дене сеҥышыш лектыныт. «Эпизодысо эн сай роль» номинацийыште Шкетан театр гыч Юрий Алексеев ден Сергей Данилов палемдалтыныт. «Драма спектальыште эн сай роль» семын Марий Самырык театр гыч Галина Соловьёва палемдалтын. Калыкын кумылжым савырымылан призым Шкетан театр гыч Светлана Александрова налын. Театр пашаеҥ- влак ушем правленийын премийжым Шкетан тетар гыч Марина Почтеневалан пуымо. Конкурсыш тӱрлӧ жанран эн сай 11 спектакльым лукмо ыле.
          Фото: Эрик Сапаев лӱмеш марий кугыжаныш академический опера да балет театр.