Марий калык нерген тошто книгам цифран форматыш кусарыме

         Чавайн лӱмеш книгагудышто марий кундемысе духовный илышын историйже нерген 1887-ше ийыште лукмо книгам цифран форматыш кусарыме. Тиде пашам «Тӱвыра» проект да «Цифран тӱвыра» федерал проект кышкарыште ыштыме. «Черемис- влакын юмын йӱлашт» книган авторжо Гавриил Яковлевич Яковлев. Тудо священник да туныктышо лийын, юмын йӱла дене кылдалтше сылнымутым марий йылмыш кусарен. Латвич ужаш гыч шогышо книгам Озаҥыште савыктыме. Автор марий калыкым сотемдараш да калыкын юмын йӱла да шӱм-чон поянлык илышыже ден палдарен шогаш тыршен.
       Фото: Чавайн лӱмеш калыкле книгагудо.