Иксаште ийым вӱд мушмо вер- влак лектыныт

            Звениговысо иксаште ийым вӱд мушмо вер- влак лектыныт. Утарыше- влак Юл эҥерыште да Изи Какшаныште ийын кӱжгытшым висеныт. Южо вере вӱд ий деч ярсен. Юл эҥерыште шарлыме верлаште ий 45 сантиметр кӱжгытан, фарватерыште 25 сантиметр марте, лӱдыкшӧ вер- влак улыт. А теве Звенигово иксан дамбе шеҥгелныже 15 метр кумдыкан ийдыме вер- влак лектыныт, - увертарат специалист- влак. Йошкар-Ола воктелсе Изи Какшаныште ий эше кучалтеш. Кумда верлаште 45 сантиметр кӱжгыт, кӱвар- влак воктене 20 сантиметр. Ширяйково тураште 15 сантиметр марте. Тыштат лӱдыкшӧ вер- влак улыт.
         Фото: Марий аварийно-утарыше служба.