Йӱксар школ пелен интернатым чоҥымо

          Килемар районысо Йӱксар селаште школ пеленысе интернат ден пищеблокым чоҥымо. Тымарте лишыл ялла гыч тунемаш толшо ӱдыр-рвезе- влак 1974-ше ийыште чоҥымо пу зданийыште иленыт, 1982-шо ийыште чоҥымо кочмыверыш кочкаш коштыныт. Кочмыверан у интернатым чоҥаш решенийым  ик ият пеле ончыч Александр Евстифеев приниматлен ыле. Объектым чоҥаш 71 миллион теҥгем кучылтмо. Тушечын 6 миллион утла теҥгеже технологий оборудованийым налаш каен. Ешартыш объектым лу тылзыште чоҥен, пашаш колтымо. Школышто 47 йоча тунемеш. Тушечын 18-ыже школ пеленысе интернатыште ила. У верыште чылажат чапле: кок еҥлан келыштарыме волгыдо 15 пӧлем, кочмывер ден пищеблок, вургем мушмо вер- чылажат ик верыште. Школ дене шокшемдыме вончем ушен шога. Школын директоржо Республикым вуйлатышылан кугу таум каласен.           Александр Евстифеев 2020-шо ийыште тушко мийымыже годым спортзалымат олмыкташ кӱштен ыле. Тудым капитально ачалыме. Лишыл жапыште моло пӧлемымат олмыкташ, мебельым уэмдаш палемдыме. Лумым эрыктыме техникым, газоным солымо ӱзгарым да мебельым налаш кантрактым ыштыме лиеш. Окнам вашталташ смете документацийым ямдылыме. Кодшо ийын тушто «Точка роста» рӱдерым почмо.
             Фото: Марий Элым вуйлатышын организаций да аналитик виктемже.