Марий Элым вуйлатыше тӱвыра пашеҥ- влаклан наградым кучыктен

            Тӱвыра пашаеҥ- влакын кечышт вашеш Марий Элым вуйлатыше пашаштышт ойыртемалтше да сеҥымашыш шушо- влаклан наградым кучыктымо нерген Указым пеҥгыдемден. Республикысе курчак театрын вӱдышӧ актрисыже Эльвира Лисицына «Марий Эл ончылно надырлан» кокымшо степенян орден дене палемдалтын. Марий самырык театрын артисткыже Надежда Четкарёва «Марий Элын сулло артисткыже» чап лӱмым налын. Тыгак «Марий Элысе тӱвыран сулло пашаеҥже» Чап лӱмым Палантай лӱмеш тӱвыра колледжын туныктышыжо Лариса Лаврова, Чавайн лӱмеш книгагудын пӧлкажым вуйлатыше Галина Леденейкина, Руэм йоча сымыктыш школын туныктышыжо Светлана Мозалёва, Курчак театрын сӱретче-конструкторжо Александр Паткиев, «Марийская правда» газетын корректоржо Инна Пушкарёва, Марий Турек клуб системын директоржо Светлана Тырышкиналан, «Марий Эл» газетын редакторжо Елена Эшкининалан «Марий Элын сулло журналистше» лӱмым  пуымо.
             Фото: Марий Элым вуйлатышын организаций да аналитик виктемже.