Школ- влакым капитально олмыктымо шотышто мера- влакым палемдыме
Школ- влакым капитально олмыктымо да тунемше- влакым шокшо кочкыш дене пукшымо шотышто мера- влакым палемдыме. «Единый Россий» ден просвещений министерстве школым капитально олмыктымо да шокшо кочкыш дене пукшымо пашам шуктымашым гарантироватлыше мера- влакым ямдыленыт. Тудо тыгак кызытсе жапыште программылан оксам ешарен ойырымымат шотыш налеш. Программе- влак нимом ончыде шуктымо лийыт, оксам уже ойырымо. Ятыр регион капитально олмыктымо пашам тӱналын. Тӱжемат 600 школ гыч 20 объектше шотышто кучалтмаш шижалтеш. Программым жапыштыже шуктыдымо годым капитально олмыкташ ойырымо оксам регион- влак коклаште шеледаш темлыме. Графикым кӱрылшӧ- влак 15-ше апрель марте ситыдымашым кораҥдышаш улыт. Уке гын, графикым пудыртышо регион- влак оксам тек шке регионыштышт кычалыт,- каласен Андрей Турчак. Тенийлан федерал бюджет гыч 66 миллиард теҥгем ойырымо, вес ийлан 25 миллирад утла теҥгем. Кок ий жапыште тиде шийвундо дене кок тӱжемат 65 школым олмыктыман, тений гына- тӱжемат 653 школым. Андрей Турчак тыгак йоча- влакым шокшо кочкыш дене пукшаш Правительствылан ешартыш оксам ойыраш темлен. Молан манаш гын, южо кочкыш сатулан ак 30 процентлан шергештын. Тений школ системым уэмдыме программе почеш республикысе куд школым олмыкташ палемдыме. Тиде Мераҥсола ден Матародо школ Параньга районышто, Медведевысе, Шернур районысо Лажъял, Марий Сола да Мустай школ- влак. Тиде пашалан да тунемме йӧным пойдараш 382 миллион теҥгем палемдыме. Тачысе кечылан тӱҥалтыш пашам шуктымо. Чыла сомылым икымше сентябрьлан мучашлышаш улыт.
