Йошкар-Ола гыч Москошко поезд дене 999 теҥгелан каяш лиеш

            Йошкар-Ола гыч Москошко поезд дене 999 теҥгелан каяш лиеш. Калыкым обслуживатлыме качествым нӧлталаш да регион- влак кокласе кылым саемдаш манын, Горький кӱртньӧ корнышто кок пачашан поезд вагон- влак утларак кошташ тӱҥалыт. «Марий Эл» фирменный поездыштат тыгай вашталтыш лиеш. Тушто вер 30 процентлан ешаралтеш. Икымше кок пачашан поезд Моско гыч Йошкар-Олаште 16-шо апрельыште тарвана, вес кечынже, 17-ше апрельыште Йошкар-Ола гыч Москош кая. Кок пачашан поезд шукырак еҥым наҥгайыме дене пырля акымат шулдештараш полша. Купейный вагонышко билет кок тӱжемат 43 теҥге гыч тӱҥалеш, кызыт плацкарт вагоныш кок тӱжемат 467 теҥге, купейныйыш ныл тӱжемат 210 теҥге. Йошкар-Ола гыч икымше рейсыш купешке билетын акше 999 теҥге гыч тӱналеш. Поезд кажне кечын коштеш, расписанийже ок вашталт. Йошкар-Ола гыч 19 шагатат 26 минутлан лектеш, Моско гыч 16 шагатат 20 минутлан тарвана да Йошкар-Олашке 6 шагатат 52 минутлан толын шуэш. У пездыште вагон-ресторан пашам ышта. Кок пачашан поездыш билетым ужалаш тӱналме.