Республикысе автомобиль корнылаште шериф-балкым вераҥдат

            Йошкар-Ола- Санчурск ден Йошкар-Ола-Уржум автомобиль корнылаште шериф-балкым вераҥдат. Тидыже водитель- влакын тӱткышыштым пӱсемдаш манын ышталтеш. ГИБДД виктем «Марийскавтодорлан» вераҥдышаш вер- влакым темлен. Тиде- Санчурск корнын луымшо меҥгыштыже да Уржум корнын 19-ше уштышыштыжо. Нине корно ужашлашате пытартыш икмыняр ийыште ятыр гына корно туткар лиеден. Ик амалжылан водитель- влакын игечым да корно обстановкым шотыш налде скоростьым кугемдымашышт шотлалтеш. Мартыште шериф-балкым Волжск- Часовенный корнын шымже меҥгыштыже вераҥдыме ыле. Эртыше шыжым тыгай устройствым Звенигово районышто Кокшайск- Красногорский корнышто ыштыме. Мо тыгай шериф-балке? Тиде ДПС патруль автомобильын сигнал устройствыжым ушештарыше да тудын гаяк койшо прибор. Тудо пычкемыш годым пашам ышта да кок тӱсан тулжо чарныде  чӱчка.
https://www.autonews.ru/news