Йоча садым вуйлатыше «ний оптышеш» пижын

                  Республикыштына йоча садым вуйлатыше ондалкалыме да шоя документым кучылтмылан суд ончылно мутым кучен. 51 ияш вуйлатыше шке паша верже дене пайдаланен, 8 гана ондалкалымыжлан титаканлан шотлалтын. Тыгак 8 гана шояк документым кучылтын. Суд рашемден: Волжский районысо йоча садым вуйлатыше 2010-шо гыч 2020-шо ий январь марте пашашке полышкалыше пашазым, изирак воспитательым, оролым, кастеляншам, садовникым налме, нунылан пашадарым да премийым пуымо да паша гыч колтымо шотышто шоя приказ- влакым возгален. Тидын годымак ӱдырамаш- влак нине пашам ыштен огытыл. Нунылан шотлымо 524 тӱжем утла теҥгем вуйлатыше шке налын. 2014-ше гыч 2019-ше ийлаште тудын разрешенийже почеш уборщица шке пашажым кажне кечын шуктен огыл, но тудлан паша кечым шотлымо. Тыге закондымын шотлымо 98 тӱжем теҥгем заведующий шке кӱсенышкыже пыштен. Тыгак лийын изирак воспитатель шотыштат. Тудлан шотлымо 10 тӱжемат 900 теҥгем шкаланже кучылтын. Тыге тудын автомобильжым арестоватлыме, ныл ийлан условно эрык деч посна кодаш ыштыме.