Полномочный представитель Игорь Комаров Марий Элыште лийын
Игорь Комаров республикым вуйлатыше Александр Евстифеев дене чоҥалтше перинатал рӱдерым онченыт. Тудо кодшо ийын июнь гыч чоҥалтеш. Тудым 50 наре процентлан шуктымо. Тений икымше декабрьлан чоҥен шуктышаш улыт. Республикым вуйлатыше полпредлан моло социал кӱлешан объектла нергенат ойлен. Волжск олаште азам ыштыме пӧртым чоҥаш тӱҥалме, тудо вес ийлан ямде лийшаш, тений тыгак шке омсажым Яков Эшпай лӱмеш марий кугыжаныш филармоний почшаш, ныл йоча сад почылтеш, Марий Турек районышто школ лиеш. 2023-шо ий марте Калык- влакын келшымаш пӧртышт нӧлталт шичшаш.
Юл кундем округышто Россий президентын полномочный представительже Игорь Комаров Марий Элым социал- экономик да мер-политик велым вияҥдыме шотышто совещаний- влакым эртарен. Тушто ковид ваштареш кучедалме, план почеш медицина полышым пуымо, демографий сӱрет нерген ойлымо, 2024-ше ий марте республикым вияҥдыме индивидуал программым шыҥдарыме йодышымат ӧрдыжеш кодымо огыл. Вакцинаций пашам писештарен колташ кӱлеш манын каласыме. Кызыт регионышто тӱҥ капиталыш инвестиций утларак пышталтеш- 123 поцентым эртен. Марий Элыште кодшо ийыште 37 миллиард теҥгем кучылтмо. Кушмаш дене Марий Эл Россий мучко кумшо верыш лектын. Социал-экономик вияҥмаште сеҥымаш эше утларак лийын кертеш. Но тидлан инвестиций климатым саемдаш да инвестор- влаклан административный чаракым кораҥдаш кӱлеш.
Юл кундем округышто Россий президентын полномочный представительже Игорь Комаров Марий Элым социал- экономик да мер-политик велым вияҥдыме шотышто совещаний- влакым эртарен. Тушто ковид ваштареш кучедалме, план почеш медицина полышым пуымо, демографий сӱрет нерген ойлымо, 2024-ше ий марте республикым вияҥдыме индивидуал программым шыҥдарыме йодышымат ӧрдыжеш кодымо огыл. Вакцинаций пашам писештарен колташ кӱлеш манын каласыме. Кызыт регионышто тӱҥ капиталыш инвестиций утларак пышталтеш- 123 поцентым эртен. Марий Элыште кодшо ийыште 37 миллиард теҥгем кучылтмо. Кушмаш дене Марий Эл Россий мучко кумшо верыш лектын. Социал-экономик вияҥмаште сеҥымаш эше утларак лийын кертеш. Но тидлан инвестиций климатым саемдаш да инвестор- влаклан административный чаракым кораҥдаш кӱлеш.