Марий Элым вуйлатыше «Марий бренд- влак» фестиваль-ярмингаш миен
Марий Элым вуйлатыше «Марий бренд- влак» фестиваль-ярмингаш миен. Республикыштына ыштен лукмо сату- влакым ончыктышо ярминга Волжскышто уэш эртаралтын. Тушко ял озанлык предприятий- влакын, фермер озанлыклан еҥышт миеныт. Оласе калыклан бренд сату- влакым ончыктеныт. Александр Евстифееват нуным ончал лектын да российысе рынкыште сеҥымаш- влак, регионын кугу турист потенциалжым палемден. Мемнан тачысе задачына- ужалкалыме пашам ончыкташ огыл, а республикын ныл брендше дене палымым ышташ. Нуно регистрироватлыме сату улыт. Тиде- марий подкогыльо, курык марий кравец, «Шернур легенда» сыр. А Марий кӱсле шке нергенже шке ойла, марий тӱвырам ончыкта. Республикым вуйлатыше ӱшаным каласен: верысе сатум лукшо- влак ончыкыжымат республикысе калыкым да уна- влакым куандараш да ӧрыктараш тӱҥалыт.