Полномочный представительже Игорь Комаров таче Марий Элыш толын

                      Юл кундем округышто Россий Президентын полномочный представительже Игорь Комаров таче Марий Элыш толын. Тудо Марий Элым вуйлатыше Александр Евстифеев дене пырля Перинатал рӱдерым чоҥмашке миен. Тушто кодшо ийысе июнь годсек кӱкшӧ технологиян корпус нӧлталтеш. Тудын тӱшка кумдыкшо вич тӱжем квадрат метр. У корпусым эн у медицина оборудований дене пойдарыме лиеш. 2018-ше ийыште республикым вуйлатыше окружной советыште тиде йодышым нӧлталын ыле. Тунамак тиде проектлан полшаш лийме. Тиде пашашке Валентина Матвиенко кугу надырым пыштен. Рӱдерым эше пашаш колтымо огыл гынат, республике йоча колымаш дене округышто шеҥгекырак шӱкалалтын. Тиде динамикым ме чараклен кертна,- каласен Игорь Комаров. Полпред тидымат палемден: республикыште коронавирус дене черланыше-влакат шагалемыт. Медицина ынде план почеш ыштыме пашашке куснен кертеш. Кулешан задачылан вакцинаций шотлалтеш. Пандемий кепшыл гыч республике вашкерак лекшаш. Чыла кӱлешан мера ышталтеш. Кӱлеш лиеш гын, полшен кертына,- палемден Игорь Комаров.