Промышленный производствын кушмашыже

                    Промышленный предприятий- влакын тений январь-февральыште ыштыме пашаштын лектышыже почеш, шке ыштыме сатум оптен колтымаш, шке ыштыме паша да полышын кугытшо 27 миллиард утла теҥге лийын. Тидыже кодшо ийысе тыгаяк жап деч 12 процентлан шукырак. Промышленный производствын индексше 100 процентыш шуын. Утларак кушмашым кочкыш сатум лукмаште, полиграфий да копирований, химий веществам да химий продуктым, ямде кӱртньӧ сатум, электрооборудованийым, машине ден оборудованийым лукмаште палемдыме. Тенийсе икымше кварталыште обрабатыватлыше производствыште инвестицийын тӱҥ ужашыжым тыгай предприятий- влак шуктен шогеныт: «Марий Целлюлоз-кагаз комбинат», «Марий машиностроитель», «Потенциал», «Волжскысо электромеханический» завод- влак, «Марбиофарм», «Феррони», «Геникс» да моло ушем- влак. Республикысе промышленностьым вияҥдыме фондын пашам ыштыме кышкарыште тений икымше кварталыште чодыра, пищевой промышленностьын проектышт программе дене оксам ойырымо у стандартым пеҥгыдемдыме. Тиддеч посна икымше январь гыч «Вияҥме проект» программе кышкарыште пуымо целевой заёмын процент ставкыже иземын да икте гыч кум процент марте шотлалтеш.
              Тидын нергенат ойлымо: шкалан шке пашам ситарыше еҥ- влакым правашт дене амалкалче- шамыч дене тӧр шынденыт. Нуно изи да кыдалаш предпринимательстве субъектла дене пого дене полшымо шотышто иктӧр правам налыныт. Йошкар-Ола округышто  пого полышым пуымо механизмым ончыктышо келшыше муниципал норматив акт- влакым пеҥгыдемдыме. Ынде самозанятый еҥ- влак изи бизнесын еҥышт дене пырля муниципал погым арендыш льгото дене налаш ойпидышым ышташ правалан аукционлашке ушнен кертыт. Мутлан, арендылан ойпидышын срокшо – 5 ий,  аренде оксам тӱлымӧ радамжымат палемдыме.
Фото: https://vk.com/