Округысо эн сай ешым пошкудо кундемыште ойыраш тӱҥалыт

                 «Юл кундемын сай ешыже» конкурсын округысо йыжыҥже тений Чебоксарыште лийшаш. Кодшо кечылаште президентын полномочный представительжын алмаштышыже Олег Машковцев тиде конкурслан ямдылалтме шотышто Чувашийыште совещанийым эртарен. Тудо палемден: тиде конкурс округышто кажне ийын эртаралтеш. Тений тудын финалже икымше гана 7-ше - 8-ше июльышто Чебоксарыште лиеш. Тушко 160 наре еҥ толшаш. Конкурсышто шке мастарлыкшым округысо кажне кундем гыч чылаже 14 еш ончыкта.
Фото: https://chgtrk.ru/