Спорт скакалке дене сеҥымаш

               Марий Элысе спортсмен- влак спорт скакалке дене наградым сеҥен налыныт. Каныш кечылаште Ижевск олаште Одо республикын роуп скиппинг- спорт тӧрштылмӧ кандыра дене Чемпионат ден Первенствыже эртен. Мемнан 8 гыч 16 ияш марте спортсменна- влак кӱкшӧ результатым ончыктеныт. Мемнан команде 6 шортньӧ, 6 ший да ик той медальым сеҥен налын. Нуно тыгай дисциплиныште сеҥеныт: спринт 30 секунд, чытымаш 180 секунд, двойной тӧрштылмаш, команде зачёт ныл гана 30 секунд дене да фристайлыште.