«Марий патыр-влак» таҥасат

                   Йошкар-Олаште «Марий патыр» таҥасымаш лиеш. Мероприятий Талшке кечылан пӧлеклалтеш. Тудыжо 1990-шо ий гыч идалык еда 26-шо апрельыште палемдалтеш. Конкурсыш районла гыч 17 гыч 35 ияш марте самырык еҥ-влак  ушнен кертыт. Нуно визиткым, марий калыкын еш да тукым йӱлажым ямдылышаш, этнографий шинчымашым ончыктышаш улыт. Йодмашым 19-ше апрель марте электрон адрес дене колтыман. Участник- влак тыгак интернет йӱклымашлан калык вургемым чийыман кум фотосӱретым колтышаш улыт. Йӱклымаш 20-шо гыч 25-ше апрель марте эрта. Конкурсыжо 26-шо апрельыште Йошкар-Оласе рӱдӧ каныме паркыште лиеш. Тудо 16 шагатлан тӱҥалеш. Таҥасымашым тӱвыра министерствын полшымыж дене Марий тӱвыра рӱдер эртара.
Фото: https://www.marpravda.ru/