Шошымсо сонар тургымым почмо
Марий Элыште шошымсо сонар тургымым почмо. Сонарлаш разрешенийым 22-шо март гычак пуаш тӱҥалыныт. Тудым пӱртӱс поянлык министерствыште паша кечылаште налаш лиеш. Адресше: Ленин проспект, 24-ше Б пӧрт, 101-ше пӧлем. Ирлудын узыжым икымше апрель гыч 30-шо апрель марте кучен налаш лиеш. Вӱдыштӧ ийын коштшо моло ир кайыкым 17-ше гыч 26-шо апрель марте кучаш йӧным ыштыме. Тидымат ушештарат: чарымаш- влак улыт. Мутлан, йӱкым оҥарен, тул волгыдо дене йымыктарен, а курмызакым эр юап дене кучаш ок лий.