Рӱдӧ олаште Советский уремым уэмдат

                   Йошкар-Оласе Советский уремыште машина чарныме вер- влакым да корнылан чаракым ыштыде кӧргышкырак лӱмын пурыман парковкым ыштат. Яналов ден Водопроводный урем марте ужашыште тыгай вер- влакым ямдылаш 69 миллион утла теҥгем кучылташ палемдыме. Советский урем рӱдӧ олан ик эн тӱҥ уремжылан шотлалтеш. Тудын кужытшо ныл меҥгым эрта. Яналов деч Водопроводный урем марте ужашыште 12 автобус чарналтыш уло. Тушечын кокытшо чарныме карман деч посна. Сандене тушто моло транспортлан каяш чарак ыштатеш. Садлан кызыт 9 чарналтыш ден кок метрат пеле кумдыкан карманым ышташ палемдыме. Паша 15-ше апрельыште тӱҥалшаш.
Фото: kpravda.ru