Петырымаште шинчыше- влак комбинезоным ургат

                   Нылымше номеран исправительный колонийыште аралыше медицина комбинезоным ургат. Пеҥгыде режиман Колонийын ургымо цехыштыже Йошкар-Оласе эмлыме верлан спецвургемым ургаш тӱҥалыныт. Ик гана кучылтмо 500 комбинезоным инфекциян черле- влак дене пашам ыштыше медицина пашаеҥ- влаклан ямдылат. Ведомствын пресс-службыжын увертырымыж почеш, ургымо участке- влак пандемий тӱҥалтыш гычак тыгай костюмым, накидкым, маскым, калпакым, бахилым, медицина да хирург халатым ургаш тунемыныт. Кодшо ийын пашалан туныктымо рӱдер- влак регистраций удостоверенийым налыныт. Сандене ынде аралыше костюм- влакым шкевуя урген кертыт. Тиде паша лектышанлан шотлалтеш. Шинчыше- влакын пашадарышт кок пачаш кугемеш. Но вуйлатыше-влак ынде ургымо материалым шке кычалшаш да куш ужалыме нерген шке шонышаш улыт. Тыге нуно Йошкар-Оласе эмлыме вер дене 500 комбинезонлан ойпидышым кылденыт.
Фото: https://www.marimedia.ru/