Марий Элын делегацийже «Ростсельмаш» комбайн заводышто лийын

                    Марий Элын делегацийже «Ростсельмаш» комбайн заводышто лийын. Делегаций радамыш озанлык вуйлатыше- влак пуреныт. Нуно тушко «Ик кече Ростсельмашыште» программе кышкарыште миеныт. Тений Марий Эл ныл комбайным налын, кумытшым лач «Ростсельмашыште» ыштыме. Кодшо ийын ял озанлык предприятий- влак шурным погышо 34 комбайным налыныт, 23-шо адакат тиде завод гыч. Мийыше- влак уло кумылын заводын производство куатшым онченыт, специалист- влак дене мутланеныт. Заводын унаже- влаклан заводышто, Российыште, йот эллаште лукмо ял озанлыкык техникын пӱтынь линейкыжым ончыктеныт. Тиде заводышто 24 тӱрлӧ техникын 150 модель ден модификацийжым луктыт.
Фото: https://www.marpravda.ru/