УФСИН-ыш ныл йолан у пашаеҥ- влак толыныт

                     Республикысе УФСИН-ыш ныл йолан у пашаеҥ- влак толыныт. Уголовно-исполнтельный системын охране подразделенийлашкыже куд у полышкалышым кондымо: Акбай, Юргана, Амур, Юланда, Аргон ден Юнесым. Нуно Россий УФСИН-ын Татарстан республикысе службылан пийым куштышо урлыкаш питомникше гыч улыт. Ныл йолан пашаеҥ- влак у илыме верыш чыла кӱлешан документ дене толыныт: личный делашт, пынеге паспортышт уло. Тушто чыла кӱлешан уверым возымо: ача-авашт, кум йыжыҥ тукымышт нерген радамлен возымо. Нуным паша верлашке шеледыме. Службым следствий изоляторышто, пеҥгыдде режиман нылымше исправительный колонийыште да конвоирований пӧлкаште эртат. Пелияш пынеге- влак у верлан тунемыт. Питомникыштак тӱҥалтыш дрессировкым эртеныт. Икмыняр тылзе стажировкышто лийыт. Вара могай пашам сайынрак шуктат, тушто службым эрташ тӱҥалыт. Питомникын пийже- влак Российысе кундемлаште гына огыл Латин Америкыштат служитлат, а Марий Элыш икымше гана толыныт. Тачысе кечылан марий УИС-ын кинологий службыштыжо 78 пий службым наҥгая.