Каратэ дене Россий кӱкшытан Первенстве эртен

                 Орёл олаште 2-шо гыч 7-ше апрель марте чыла стилян каратэ дене Российын Первенствыже ден Россий кӱкшытан фестиваль эрта. Тушко 56 регион гыч тӱжем утла спортсмен ушнен. Первенстве Российысе тунемше- влакын Спартакиадышкышт ойырен налме таҥасымашлан шотлалтеш. Тудыжо тений сентябрьыште лийшаш. Мемнан 16-17 ияш рвезе- влак- Михаил Попов ден Матвей Борисов, Данил Фёдоров тичмаш контакт спорт дисциплине дене таҥасеныт. Борисов ден Попов икымше верым, Данил Фёдоров кокымшо верым сеҥен налыныт.