Марий Эл «Самырык профессионал- влак» чемпионатын финалышкыже ушнашлан ойырен налме таҥасымаште участвоватла

                 Марий Эл «Самырык профессионал- влак-2021-ше» 9-ше чемпионатын калыкле финалышкыже ушнашлан ойырен налме таҥасымаште участвоватла. Тудо икымше апрельыште тӱҥалын. Вич тӱжем наре конкурсант 137 компетенций дене шке моштымашыжым ончыкта, юниор- влак 72 специальность дене таҥасат. Эксперт- влак гына 600 наре еҥ лийыт. Ойырен налме таҥасымаш деч ончыч регионысо чемпионат- влак эртеныт. Нуно 85 кундемыште лийыныт. Марий Элыште таҥасымаш икымше гыч 5-ше март марте эртен. Тений ойырен налме таҥасымаш-влак очный йӧн дене 31 субъектыште эртаралтыт. Марий Элын студентше-влак 22 компетенций дене шке мастарлыкыштым ончыктат. Финалыште таҥасышаш верч 12 профессионал туныктымо тӧнежын студентше-шамыч кучедалыт. 9-ше чемпионатын финалже Уфа олаште 21-ше гыч 25-ше июль марте эрта. Тушко тӱжемат 800 конкурсант ушнышаш. Чемпионатыш Азий да Тихоокеан регионла, СНГ эллан еҥыштат ушнат.