«Российысе рвезылан футбол- тиде эн кӱлешан да куандарыше сомыл»
Теҥгече Марий Элым вуйлатыше Александр Евстифеев «Йола» агрохолдингын пашаеҥже- влак гыч чумырымо республикын сборный командыже ден «Российын шӱдыржӧ- влак» команде коклаште футбол дене йолташла вашлиймашым почмаште лийын. Кокымшыжын радамыште Российын сулло спорт мастерже, СССР-ын спорт мастерже, СССР-ын тӱнямбал классан спорт мастерже- шамыч модыныт. Модмаш «Марий Эл Арена» куштылго атлетике манежыште эртен. Регионым вуйлатыше каласен: спорт айдемын илышыштыже кӱлешан сомыл. Тудо тазалыкым пеҥгыдын кучаш гына огыл, кумылым нӧлташат полша. Тидымат кугешнен палемден: Марий Эл- спорт регион, кӧ тыште илаш да пашам ышташ тӱҥалеш, вигак спорт деке ушна. Мемнан республике деч сенатор Константин Косачёв, тиде вашлиймаш нерген пален налмекыже, шке сеҥымашыжым радамлаш шонен пыштен. Теве ынде нылымше кече марафон семын 20 меҥгым куржын эрта. Лӱмлӧ политик, спортсмен да тыглай калыкын тыгай примерышт пеш чын койышым ончыктымаш, тудо элым йӧратыме кумылым шочыкта. Александр Евстифеев тыгак республикысе правительствын спортым вияҥдымаште тыршымашыже нерген каласкален, чонымо спорт оралте- влакым ушештарен. Российысе рвезылан футбол- тиде эн кӱлешан да куандарыше сомыл. Мый кугурак тукым семын каласен кертам: Ме шке илышнам лач футбол гыч тӱҥалынна. Модмо пасу шудан лийын, ош линий олмеш мелым оптенна да тушто модын шкеннам пиаланлан шотленна. Марий Элыште футболым 2020-шо ийыште базовый спорт радамыш пуртымо, спорт организаций- влакын базышт пеҥгыдемеш, «Спорт илышын нормыжо» калыкле проект кышкарыште 22 миллион наре теҥге окса ойыралтеш. «Российын шӱдыржӧ- влак» командылан тыге каласен: таче тендан ончыктымо опыт ден мастарлыкда республикысе спортсмен- влаклан моштымашым шуараш кугу стимул лиеш.