Айста оланам аруракым да сылныракым ыштена!
Йошкар-Оласе калыкым 9-ше апрельыште оласе тӱшка субботникыш ушнаш ӱжыт.Тудо 9 шагатлан тӱҥалеш. Шке кудывечышке, воктелсе кумдыкым эрыктымашке лекташ лиеш. 29-ше март гыч шошымсо месячник тӱҥалын. Коммунал службо тӱшка кумдыклам, урем ден парклам, сквер ден бульварлам шотыш конда. Предприятий ден организаций вуйлатыше, мланде участкын, зданий, сооруженийлан озаже- влак шке кундемыштым эрыктышаш улыт. А теве Ленин лӱмеш тӱвыра полатын коллективше кумылан- влакым Сеҥымаш Паркым тӱзландарымашке ушнаш ӱжеш. Туштат 9-ше да 24-ше апрельыште тӱшка субботник лиеш. Тӱвыра полат эрыкташлан кӱлеш ӱзгарым тичмаш ситара.