Вакциным шупшыкташ кок у машинам кондымо

                      Республикыш вакциным шупшыкташ рефрижераторым кондымо. Тазалыкаралтыш министерствын уверже почеш, «ГАЗель Бизнес» да «Лада Ларгус» автомобиль- влак негызеш ыштыме кок специализированный рефрижераторым налме. Нуно медицина организацийлашке шокшым чытыдыме эм да иммунобиологий препаратым, «Ковид-19» вакциным шупшыкташ келыштаралтыныт. Машина- влакын йӱкшыктарыше установкышт 20 градус марте йӱкшыктарен але 12 градус марте ырыктен кертыт. Рефирижератор- влакым республикын бюджетше гыч вакцинацийым ышташ ойырымо окса кӱшеш налме. Оксан ужашыже шуко гана кучылташ лийше термоконтейнерым, фармацевт холодильникым, кылмыктыше камерым налаш колталтын. Кызыт рефрижератор-влакым вакциным шупшыкташ кучылтыт, а вара посна температурышто аралыман эм- влакым коштыкташ палемдыме. Кудымшо апрельлан шотлымаште республикыш 36 тӱжемат 892 дозо вакциным кондымо, 27 тӱжемат 47 еҥ прививкым ыштыктен.